ટેલિવિઝન અને બોલિવૂડની જાણીતી અભિનેત્રી મૌની રોય જાણીતી અભિનેત્રીઓમાંની એક છે. મૌની હાલમાં તેના અંગત જીવનને લઈને ઘણી ચર્ચામાં છે. છેલ્લા કેટલાક દિવસોથી તેમના લગ્નને લઇને ઘણી વાતો ચાલી રહી છે.
કહેવામાં આવી રહ્યું છે કે મૌની જલ્દીથી સુરજ નામ્બિયારની વહુ બનવા જઈ રહી છે. અભિનેત્રીએ તાજેતરમાં તેના ઇન્સ્ટાગ્રામ પર કેટલીક તસવીરો શેર કરી હતી, જેમાં તેનો આખો પરિવાર સૂરજ સાથે જોવા મળ્યો હતો. આટલું જ નહીં પરંતુ આ તસવીરોમાં મૌનીએ સૂરજનાં માતા-પિતા માટે ‘મોમ-પપ્પા’ પણ લખ્યુ.
મૌની અને સૂરજે થોડા દિવસો પહેલા જ તેમના સંબંધોને આગળ ધપાવી દીધા છે. મૌનીની માતા સૂરજનાં માતા-પિતાને મળ્યા હતા.
મંદિરા બેદીના ઘરે પરિવારોની આ બેઠક મળી હતી. આ બેઠક દરમિયાન મૌનીનો ભાઈ પણ હાજર હતો. એવું કહેવામાં આવે છે કે આ બેઠક ઘણી સારી હતી. મંદિરા બેદી મૌની રોયની ખૂબ સારી મિત્ર છે અને તે બંને એકબીજાની ખૂબ નજીક છે.
મૌની રોય અને સૂરજ નંબિયાર બંનેના સંબંધોની ચર્ચા ઘણા સમયથી થઈ. અભિનેત્રી દુબઈમાં સુરજ નામ્બિયાર અને તેના પરિવાર સાથે નવા વર્ષનું સ્વાગત કરતી જોવા મળી હતી.
જણાવી દઈએ કે જ્યારે મૌની તેની બહેન અને પરિવાર સાથે દુબઇમાં હતો ત્યારે દેશમાં બધે લોકડાઉન થઈ રહ્યું હતું. આ બંનેના લગ્નને લઈને હજી સુધી કોઈ સત્તાવાર જાહેરાત કરવામાં આવી નથી. ખબર છે કે આ પહેલા તે મોહિત રૈના સાથેના સંબંધોને લઈને ઘણી બધી હેડલાઇન્સમાં રહી હતી. જો કે આ બંનેનું બ્રેકઅપ ઘણા સમય પહેલા થઈ ચૂક્યું છે.